Murmullu

MURMULLU ye una residencia pa facer podcasts n’asturianu impulsada por La Benéfica de Piloña (Piloña), LABoral Centro de Arte (Xixón), Conseyu de la Mocedá d’Asturies (CMPA) y XtraRadio, Casa de les Radios (Bimenes).

Tamos buscando mocedá residente n’Asturies con interés na radio. Esta convocatoria nun se dirixe a artistes o perfiles específicos, sinón a cualquier persona con molición por crear un podcast propiu. La temática del podcast es llibre y el númberu de participantes por propuesta ye d’ente 1 y 5 persones ente 14 y 35 años. Nun fai falta esperiencia artística, solo interés por facer radio.

¿Cuál ye’l tema sobre’l que te gustaría falar? ¿Cómo sedría’l formatu del podcast? ¿Con quién puedes collaborar pa facelo posible?

La residencia nun ofrez namás un espaciu de trabayu sinón que nos comprometemos a acompañar los proyectos, dar apoyu económicu y ofrecer un espaciu de producción reposáu. Cada residente o grupu de residentes va contar con:

1.000€ en conceptu d’honorarios

500€ en conceptu de producción y gastos del proyectu

Equipu técnicu de grabación, producción y edición

Espaciu de trabayu y de grabación

Una bolsa d’hores pa mentoríes especializaes

3 formaciones sobre producción de podcast y otres necesidaes del proyectu

Diseñu d’imaxe y difusión nes redes y medios de les entidaes collaboradores